追「爆漫」連載，原本以為新妻英二只係一個囂張o既死小孩，點知原來可以發展到成為無架子o既伙伴，真係開心。另外，日本漫畫o的編輯實在太強喇，好熱血呀~~~~！！雖然都認識一o的有做編輯工作o既人，但係一直無直接合作過，所以唔知港、日有咩差別，只係從一o的現役漫畫家朋友口中聽到，香港o的編輯似乎好糟糕……..。
聽聽下陳奕迅首七百年後，一直諗起「威-E」喎~~~~。
聽到羅蘭姐講英文，好有「親切感」呀~~~~。
自己一向大懵，尤其近排諗古仔，盡量都唔好過馬路…..。不過從來未試過衰到唔見銀包。講到咁，大家應該都估到發生咩事。尋晚落屋企樓下間美心快餐，食完飯，番上樓，直到今日下午，買o野，咦！銀包哩！？之前仲o岩o岩擺o左幾舊水入去，又証又咭，唔見o左有排搞喎~~~~。雖然尋日仲諗緊身份証成日過唔到e道，可唔可以搞過個指模o者，唔使搞到換過張證o卦？
係尋晚食飯拎過出黎o者~~~~。即刻走番過美心問下，竟然───幫我keep住，原封不動俾番我！！要向美心快餐全體員工，敬禮！
自從舊年整Q版figure之後，對Q版有強烈o既愛！最近迷上哩set：
鍾意果種傻得黎又巔巔地~~~~特別鍾意左下角隻織田信長，一睇就知佢心理有問題！正！
但係唔知點解，咁高質素，隻game又受歡迎，香港竟然無乜舖頭入貨，上星期行均成個旺角，得一間有貨，仲要炒高埋！好彩響荃灣某店櫃內發現一隻織田信長，仲肯低價俾我。
另外仲想要旁邊隻伊達政宗，唔通要死去秋葉原一轉？
七月仲有第二彈：
今次有成SET入o既衝動……
女僕哩樣o野，響秋葉原見過好多次，就係未正式入去cafe坐過。尋日入去做o野，連埋導演，七條大漢都係第一次上去。老實講，我有中式「婢女」癖，對外國o既女僕提唔起興趣。叫我主人我無反應o既，要叫我老爺或者大少先打得我入！反而我班大叔同事就好好奇好興奮，俾o的萌系用語玩到頭暈……。我o地全日都叫阿導演做「主人」~~~~。阿導演拍o左8個鐘，都仲拍到唔捨得走，大家差o的收唔到工。
聽班maid講話間cafe係二次元同三次元o既夾縫，係2.5次元。咁畫o左廿年漫畫o既我，都係將三次元o既人扯入去二次元o既元兇之一。咁我係唔係一副「2.5次元引擎」呢？
早幾日上廣州，一次過睇o左兩個同人活動。YACA有多年歷史，不過一向聽聞“太”商業化。
排o左成個鐘先入到去，行o左十分鐘唔夠就走…….。基本上係我印象中國內「傳統」果種同人活動，賣o既o野立立雜雜，好似樣樣都有o的，剩係無我想睇o既o野…….。真係有書「同人本又好，原創又好」得幾檔，其他都係o的二手書呀，精品呀咁，感覺上只係借同人之名搞o既跳蚤市場。
另外一個比較新o既活動ADSL。
哩個我上次都有去睇過，印象都唔多好。不過今次就完全改觀，感覺好番哂，書又多，氣氛都幾好，起碼真係似番一個同人誌o既活動。
下次有機會都會再去睇。
另外今日睇o左「狼人」，終於都見到牌王喇~~，其實X-men之中我淨係識牌王，唔知點解三集都唔出佢，今次又係大配角~~~慘！
哩度唔係歐洲。洲就係洲，不過係「石鼓洲」。一班「院友」一磚一石咁砌出黎o既建築，真係大閞眼界~~~~。如果唔係做緊o野，好想留多陣影多兩張相。個電話太輕，次次影相，一按快門就成個畫面斜埋一邊，用o左幾年都習慣唔到。
rainbow-gala3剛剛完結，今次無檔，齋行。氣氛好好，但係無乜o野o岩睇。女性向比例越黎越高……。
一時大意，睇o左阿kai老師本BL新作，要搵番o的o野睇下平衡番…….。
“監獄篇”好緊張！人妖MR.2先係真正o既男子漢！
(0)
