今年,無什麼特別，唯一是出埠工作多，超過一個半月不在香港。年尾數一數去過什麼地方吧。一月頭跟家人去了韓國。二月去了一直好想去的上海。四月工作去了歐洲，英國、德國、巴塞、愛爾蘭。八月去柬埔寨。十月去蘇格蘭、俄羅斯、烏克蘭、羅馬尼亞。
再過四日之後，又去番韓國…..@@
來到第三彈，依然吸引！宮本武藏經已入手，哈哈哈~~片倉小十郎拎住條蔥也很吸引，好想要。
過去一個星期俾公司丟o左去學「過片」，可能要學一頭半個月。日日一個人坐響間房仔對住個芒。工作範圍包括:1)過片加片頭，順便補番o的花o左o既片。2)key字幕3)替「成人電影」打格仔………………….。日前進行工序(3)o既時候，俾個一向有合作o既製作部女同事撞到。咩形象都無哂~~~。
日日硬食十個鐘，遲早精神病，好「發條橙」呀~~~~！
聽番首歌，諗番o的場面，又係喊個唔停……..。
=”http://download.macromedia.com/pub/shockwave/cabs/flash/swflash.cab#version=6,0,29,0″ width=”425″ height=”344″>
老友又出街書，點都要響一響。
轟轟戰隊漫畫版
漫畫—-熊人拓植社出版
哩一類副產品式改篇漫畫，一向唔易討好，仲要係兒童向戰隊劇集。唔係因為我識得個作者，哩本我真係覺得有趣。幾鍾意o的角色處理，吐糟方面一向係熊人老師o既強項，今次o的版尾吐糟幫到o的角色。係嫌o的景太過偷雞……….。
哩個月，雙手真係多災多難。之前爆拆爆到唔見哂o的指紋之後，上星期開工俾蚊針o左四十幾飛，跟住有過敏反應，最先係兩前臂紅腫到變肥仔，然後紅腫一直向上蔓延，到全隻手，然後到心口，跟住雙腳都紅埋……….。搞到要睇醫生。而家食o左藥開始退喇。
EVA電影版—破一直對EVA系列並無特別好感，尤其係個主角…..。不過話哂都係巨作，有戲上點都要去研究下，加上今集口碑強勁，即刻入場睇。果然係神作！戰鬥場面勁到無o野講，最緊要o的感情線補番哂，好感動。
首先，細佬結o左婚！注意，係我細佬結o左婚，唔係細佬我結婚！正確講係我細細佬，前日行禮。行完禮之後，竟然上o左哩隻遊艇出海。再神奇o的，原來佢計劃係去南丫島燒烤！哇，唔擺酒，去燒烤！真係估佢唔到……。 我都係工作以外，第一次坐遊艇去玩，爽！希望快o的有個姪仔玩下啦~~，呀，姪女好o的。
今日有個game主題同人活動gameism。同熊人老師去行o左一轉。
規模唔大但係氣氛幾好。希望以後有多o的哩類主題活動啦。
(0)
