睇o左幾集，有o的失望。雖然俾日本漫畫縱壞o左，睇唔慣佢o的咁大路o既超能力，都唔緊要，希望佢導演果邊做番好o的，但係近排睇開《迷》、《逃》，講氣氛佢功力又差o左一截。最無癮係個畫家，預知能力哩o的，只係基本到暈o既超能力，佢仲要啪針先用到？肯定有細路走去試下去啪針睇下自己有冇得預知未來。另外，響鏡入面見到邪惡自己都算係超能力？！不過就幾鍾意個日本仔，個留鬚扮「未來人」造型好cosplay…..都睇o左幾集o者，希望遲下o的線串番埋，會好睇o的啦。
一直有追開“LOST”，鍾意佢伏線多之餘，故弄玄虛手法又夠高章，兼且角色心理幾有趣。
上星期播第二季梗係開心啦，之但係問題係我已經響AXN追o左中間十幾集，因為唔知之前AXN有得做，所以冇睇頭幾集。咁而家又有得睇番，應該開心o既，但係又偏偏兩個台都係同一時間播，即係一個台播緊第一集，另一邊同時播緊第十幾集。無錄影機o既我選擇係：開兩部電視一齊睇兩集相同角色相同場景唔同時空唔同譯名，好多伏線o既大故事，加上每集都有大量回憶片斷，咁已知同未知，已死同未死o既人同一時湧埋黎~~~~~經常發生o既係：同時間兩個畫面出現同一個角色o既大頭，仲要係果個光頭佬………
不過又奇在，我又跟得番哂o的劇情…….可能係我本身有精神分裂所以負負得正o卦？
(1)
