睇完條片，好想「養貓」呀~~~~想像唔到以後四人連線，每人帶隻貓，八隻生物圍攻一條龍有幾壯觀呀~~~
尋日響街，望住豪華版個盒，好想買，不過就算送俾我都無用，因為唔可能買PS3…..其實四舊幾水我係捨得俾o既，鬼叫佢唔響PS2出咩~~~唯有玩住PSP版第一集過節頂住先囉~~~~
繼上次玩榭地球勇者之後，今次有類似《神勇飛鷹俠》o既人物出現！勁！
官方消息話mh3唔會響PS3出。o下！？響wii出~~~~？？？其實唔係好關我事，因為唔會響家用機玩。問題係，咁即係無PSP版！？咁大劑~~~~~~~~？枉我對你忠心耿耿，點知你淨係一心搵銀~~~~~，完喇！部PSP丟得啦！丟得啦！唔通真係要買NDS~~~~~~~~？
經過幾次失敗，今日終於一個人霸弓加下位防裝，完全無傷屈死o左傳說黑龍，袋o左果三萬六！平日次次打到夠鐘，今次仲有十分鐘剩，近排熟o左用弓，個節奏應該仲可以快一o的。
哩兩日上色中，頭先噴油，其實我ok鍾意聞o的油味…..反而雙星水性陣味我頂唔順~~~~最難搞o既頭部油完o左，安樂哂喇！
公司班老金人，突然良心發現！話說mhp2有人亂改o野，終於變o左百毒神君，個save亂哂籠，跟住竟然成班人約埋一齊鏟o左save，由頭再玩過，兼且唔准改武器同篤獎品！即刻健康哂！而家開個囡囡陪佢o地由頭玩，o的狩獵feel即刻番哂黎！爽！
今日番工，又湊夠四個人「開大片」。不過自從佢o地近日開始集體信奉o左「老金主義」之後，已經無o左果種狩獵o既感覺，無哂組織同戰略，同佢o地講點樣分工、用閃彈落陷阱咁樣，回應係「使乜丫~~~把刀幾萬攻，兩下就死啦~~~」大佬！一個老金斬十刀就死，兩個老金連線斬五刀就死，三個…….咁唔使連線玩啦~~~~！只係單純咁屠殺~~~~，雖然我都幾鍾意屠殺，只係無o左一班人上山去玩o既感覺。響公司打機開始變得無癮……..佢o地對隻game o既熱情都好快變得急轉直下。始終玩「免費game」o既人都唔多會珍惜尊重欣賞o的不勞而獲o既o野。只係響度快速「消耗」人o地o的心血，哩個可能都係香港發展唔到創作事業o既其中一個原因。其實我唔太介意人o地老金，只係搞到成件事變得沒趣，就真係無乜意思o者~~~好彩屋企附近仲有一大班真正o既同好，以後番工當儲o野就算喇。
因為好難搵到三個HR6 o既人一齊，尋日終於可以響公司打到「霸龍」，霸弓順利到手…..(終於)，遲過其他人成個月都有。為o左開到霸龍，又要打多次大蟹，守城果版。可以響城上對住個口亂咁射確係爽！
睇o左《惡童》，當然係因為太迷o的場景，只不過真係唔知佢想點……，本來開頭將o的街童描寫到超人咁樣，係幾有趣，不過個主線慢慢好似偏o左去o的黑幫大叔果邊，o的大叔個性又唔多吸引。原本預期子供之城果場會搞得熱鬧一o的，總之就失望啦~~~
figure進度：頭、身、大腿、兵器完成。星期六前要交相，我想起碼完成雙手再影相。進度相當順利！
(0)
