今日番工，又湊夠四個人「開大片」。
不過自從佢o地近日開始集體信奉o左「老金主義」之後，已經無o左果種狩獵o既感覺，
無哂組織同戰略，同佢o地講點樣分工、用閃彈落陷阱咁樣，
回應係「使乜丫~~~把刀幾萬攻，兩下就死啦~~~」
大佬！
一個老金斬十刀就死，兩個老金連線斬五刀就死，三個…….咁唔使連線玩啦~~~~！
只係單純咁屠殺~~~~，雖然我都幾鍾意屠殺，只係無o左
一班人上山去玩o既感覺。響公司打機開始變得無癮……..
佢o地對隻game o既熱情都好快變得急轉直下。
始終玩「免費game」o既人都唔多會珍惜尊重欣賞o的不勞而獲o既o野。
只係響度快速「消耗」人o地o的心血，哩個可能都係香港發展唔到創作事業o既其中一個原因。
其實我唔太介意人o地老金，只係搞到成件事變得沒趣，就真係無乜意思o者~~~
好彩屋企附近仲有一大班真正o既同好，以後番工當儲o野就算喇。