原本諗住練習下整Q版公仔，原本諗住就咁搓個形出黎就算。點知又忍唔到上面o的指紋，拎住砂紙係咁磨，係咁磨，係咁磨，就咁執o左一日，醫生話哩個叫個「打磨強迫症」喎~~~~
終於搞掂「哂」~~~~
前後兩個月有多…….，其實實際用o既時間唔係咁多，睇番o的照片記錄時間，頭十日已經完成o左八成o既身體，剩番對手未郁。之後o的時間都唔知用o左去邊。我諗第二個月應該係用哂響打磨同上色方面，原本想保留果份粗糙感覺，唔打磨得咁精，點知自己睇睇下又忍唔住….
響正式影相同砌埋個專欄之前，都係抽番時間度番下故事果邊先得喇，唔係點同班幹部交代，我唔想被施行「怪人改造」o既懲罰呀！
終於連件衫尾都搞掂埋！！本來一向造衫部份係最多意外o既，次次都造兩、三次以上。今次最「意外」o既反而係一次過搞掂。而家仲差背後鐵鍊上的頭骨，之後可以上色。對今次哩件作品有興趣o既朋友，可以留意《銀河少年》網站，將會在繼續連載o既「玩物壯志」FIGURE專欄，同大家分享今次製作的全部過程。
頂完人仲要冇假補，搞到我會都開唔成，無天理呀~~~~~~~~~~~~~~~~~！
上圖隻手，足足花o左幾日，一隻手分o左廿幾個步驟，幾乎用齊所有技巧。由於要焗完一部份先再加件，加工，然後再焗，前後分別焗o左五次！淨係計焗o既時間加埋都要個幾鐘以上。
右手邊係之後用o既配件，可以順便整隻《飛輪少年》入面「峨嵋刺」用o既角之玉璽。
銀河少年第二期玩物壯志的新figure，第一次造別人的角色，對我來說難度加倍…..因為好多原創時突發的任性創意不能夠說加上去就加上去，始終感覺上不想偏離太遠。好容易陷入去不倫不類的局面。完全丟低超過一年沒有搓過任何東西，初時還擔心要操練一下，不過暫時出來反應都是正面的，有點興奮！！
(0)
