頭先新聞話，日本遲o的去K場，唱K之外仲多o左樣o野玩，係玩配音！睇住條動畫片段，跟住o的字幕「講K」！仲有得睇番個成果，班宅男腐女肯定日日排隊入去玩。哩條橋實在夠絕！服哂~~~~~。之後肯定會好多cosplayer響k房出入……。
我就對電影配音興趣大o的，成場戲改哂o的對白應該幾有娛樂性。
尋日番工，撞到monster hunter P 2狂迷同事，例牌走唔甩焗陪打(超自願！)，之後就出事喇，響街度，不斷咁聽到隻game o既音樂！間遏出現接近三個鐘。以我o既神速移動速度，無可能有人可以一邊打機一邊行近我身邊，所以一定唔會係「聽」到。但係問題係，我肯定唔係自己心入面果種playback，而係「用耳聽到」o既！哩個係唔係傳聞精神病入面o既病徵──幻聽！？可能哩幾日有少少傷風又唔夠訓o者……….
另外，隻game不出所料俾人改成「閒書」！主角果然就係最有哩方面潛質o既──電龍！
洗唔洗咁型呀~~~~~~！？http://www.tudou.com/programs/view/yMqgKSkdLX0/咁樣cut o的片出黎都整到個咁型o既MV！服哂！見到o的多角度中彈場面，都感受到佢花o左幾多時間去「抓片」。好鍾意中間一面橫跑，一面轉背景果段，有心思又花工夫。
「槍女」哩種組合始終係有一定吸引力，最緊要係型丫嘛！
即刻想換支弩黎玩下。最衰我玩片，唔cut 得片…….，唔係都想整番條。
型！對哩套《劍》真係無乜興趣，但係S.I.C系列就始終唔會令我失望。哩一set一盒兩隻，仲可以變怪獸添！好吸引。下個月就出喇！
關於lego，一直都有個卑微心願，只係想有一隻黑武士加兩隻白兵人仔。但係一向都淨係見到成套成套貴到嘔泡o既產品。早個幾月前發現有lego人仔散賣，突然間走去掃o左幾隻番黎。原本諗住影幾張相放上黎，點知尋日上網，俾我搵到o的咁驚人o既製作，我都係無謂獻醜。
好有跟住砌番一隻o既衝動呀~~~~~~~~！
突然接到通知，原來俾雜誌宣傳用o既相係要自己影，所以突然間起個壇影相。響間房最熱個位打燈，係用檯燈兩支！加上只有自動對焦、光圈快門幾乎無得組合o既傻瓜數碼相機……拿拿臨兩日之內影o左百幾張相出黎，永遠一幅相就得哩樣又就唔到果樣，好辛苦。對住咁o既器材唯有不停妥協……
百幾張相揀五張俾雜誌用。就係只可以揀五張先痛苦！好多張我都好想登出黎，唯有遲o的擺上網啦。上圖係其中一幅我鍾意但係又無交過去o既。
早幾日，響coldplay音樂會場外撞到小雷，佢，著裙喎~~~~~~~~~~~~~~
(0)
