唔係拍緊“Lost”。尋日工作關係，三十三度酷熱警告之下，出o左海，去o左我以為響汕尾以南、沙提以北o既果州群島。o的景又確係好靚呀，之不過一個事前完全無準備，一稞樹都冇o既旅程之下，背住o的器材翻山越嶺幾個山頭，暴晒o左一日，睇住自己o的汗滴落燒滾o既山岩上面即時咁蒸番乾，爽呀~~~~~~~~~
六點幾起身，免費行o左一日山，榭哂之後仲成身汗咁上去銀河兄弟哩個人間焗爐開會，keep番住個中暑feel丫嘛~~~~~~~
原來牛油果加日本芥辣油醬油，口感竟然係──三文魚生味~~~~~~~~~~
追o左四十一期《one piece》，終於見到佢個故事有條「生路」…..原本身為海賊，難免成世俾海軍追捕，沒完沒了，又點可能結到局呢？期待佢真係將方向轉去以「推翻世界政府」為目標，咁就正哂喇。
見到旺角有衣谷遊本畫集，不過本來已經冇留意佢作品，但係一睇個封面…..點解會抄起田中達之上黎o架~~~~~~~~~？
因為工作上關係，今日同幾個第一次見o既人同檯食飯。特別之處，唔係因為佢o地都係外國人，而係佢o地個個都識講廣東話。見到幾個唔同膚色國籍o既人坐埋一齊用筷子、講廣東話、唱廣東歌有講有笑咁，臨走仲同我講“拜拜”…….
(0)
