上星期，偶然認識一位figure制作方面o既同好。佢話原來我一直有用o既物料supersculpey出o左隻灰版，質感比較硬身，幾好雕。我自己覺得最正o既係，佢無舊一款果種半透明感，即係唔使噴灰都可以即刻睇到哂o的瘕疵，可以執到靚哂先去焗。唔會焗完先發現問題，再執就好煩。
跟住見位新朋友都有用牙醫刀雕o野。好幾年前何家超已經介紹我用牙醫刀雕公仔，果陣見一把刀三、四十蚊，當時自己雕公仔未有咁高要求，手上幾把木刀應該應付到。而家見人用，自己突然又想搵套番黎試下，所以搵日走出去買哩兩種用品。
去到某公司醫療用品部，見o的牙醫刀放響飾櫃入面，無得拎上手揀，唯有哄埋去睇。唔知係唔係因為見到利器，個樣有少少興奮o既關係，我覺得阿店員姐姐眼神有o的異樣……。加上我買哩o的o野，又唔肯定邊把o岩用，逐把刀諗下o岩唔o岩使，就咁哄埋去，個樣有少少興奮咁睇o左十幾分鐘都無出過聲，店員姐姐有o的驚都係正常o既，真係唔好意思…….。
今次有何家超同麥少峰添！上次唔識準備，今次要帶齊o野先得。聽日就入場setup，今日仲諗到o野想加上去……
哩幅相試o左廿幾張先影到。影得靚過俾雜誌果批相添，蝕o左！部相機同一時間只能夠郁光圈或快門，唔可以兩樣一齊郁，o的組合效果全部用唔到，好多時知道應該點做但係企o左響度。
重重難關之後，差唔多搞掂哂！我第一個女！今年最大o既願望達成o左喇。
上面幅相係尋日影o既，果陣有o的細位未上齊色。而家都仲有少少危險o既地方未上好，盡量想今日搞好哂佢。其實動作方面我想改，不過唔可能啦。如果而家「可動」就實在太開心喇~~~~~~。不過o的相係怱忙影俾雜誌用o既，唔想響度全部公開哂，希望大家可以去現場睇下啦。
下星期要抽時間正式打燈影幾幅相，用黎裝飾個展覽箱。影相又要困自己響尾房焗到成身大汗喇……
聽日又出海做o野，去幾日，希望番黎有假補啦，唔係o的後期o野我驚搞唔砌。
博士有冇可能以哩種形態出現呢？
個地台整o左一日，聽日出去買模型油。
尋日去o左拍熊猫。
無時間影好o的，唔多滿意…..
都叫做完工喇，搞埋個地台就可以上色，不過諗起上色就頭痛。一直好唔鍾意人手調色，所以未用電腦之前都好少畫彩稿，如果figure都可以電腦上色咁就正喇！第一次整女，算係咁啦，比最初預期o既效果好，都幾滿意，希望上o左色可以加強個效果啦。
仲有就係：我偶像呀………………！
個figure今日最後一焗，由於焗爐狹小，焗o既時候又唔可以碰到爐身任何地方，所以每次入爐都好緊張，好小心安排擺放o既位置。今次都係精心安排，但係就無預算到部份組織遇熱變軟，支撐唔到，結果我之前精心打磨到光滑個屁股跌坐響爐身，就咁燒焦~~~~~~~~~
即刻要做手術，將燒焦o既部份鋸走，再補泥再焗，之後再打磨一次。原先預計今日可以完全成形，稍作打磨就可以放o的相上黎，點先個屁股要打磨到而家都未完全復原……..
星期日上銀河少年間廠，仲講緊笑話火燭點算，點先尋日就真係燒o左……..隔籬個單位。
個figure身同腳o既部份要先打磨，然後再加小部件。本來可簡單磨下就算，點知集打磨強迫症同小腿痴漢於一身o既我，對腳「捽」o左…..五日…..o的沙紙都用哂，都應該收手喇~~~~仲差雙臂同腳掌就完成喇！今日搞o左少少，振作呀~~~~~~！
(0)
