尋日，朝早去o左觀禮。
同個新娘o既關係都幾複雜，佢向佢o的朋友介紹我果陣，係咁樣講o既：
「學長+大佬個同班同學+街坊+同事」
一去到現場，以我o既工作性質，梗係第一時間有人塞o左部攝錄機俾我…
放假都要做….算啦，見係佢o者。
既然新娘而家係我唔同部門o既同事，咁跟住就一定會走o左一o的我完全唔識，
但係理論上又算係我同事o既人出黎，拍完o野我都諗住番屋企寫下劇本，
阿同事又無端端扯埋我去飲茶，又無端端又幾好傾喎~~~~~
都幾開心。

跟住，夜晚轉場去o左溫少俠個「兄弟」作戰會議。
撞番o的廿年老友，高興！
又另外識多o左一班人，一日之內記咁多人名真係搞唔掂。

最後番到屋企，冇人，原來兩老去o左飲！
搞乜全日都同o的喜慶事有關咁邪呢？
都好丫~~~o的「師傅」話我今年要去多o的喜慶事，
係呀，我真係極之需要「沖喜」。