一直覺得部舊相機唔夠用，無手動對焦影figure好辛苦。
而家舊電死埋，更加急住要換。
紅假果幾日，我細佬去旅行，老豆老母又去另外一個行程。
屋企唯一一部健全o既傻瓜機俾老豆拎去用。
細佬就同我講「橫豎你都換機，不如你買部新相機借俾我用啦！」。
然後每隔幾日就打個電話sell哩個「概念」一次……

話說響我少年時代，讀緊一個攝影課程，想向老豆拎三千銀買部相機黎用，
我細佬極力反對之下，結果之後六年之內我都無相機用，
兼且到今時今日，我都覺得當時因此學唔成攝影，係一大遺憾。

佢而家諗得出哩種「我去娶個老婆返黎，但係俾你用先。」o既妙計，
又夠膽好意思講得出口o既，都確係幾無得頂~~~！
但係更神奇o既係：
我早兩日出去旺角買o左部相機，借o左俾佢…….