四日o既「兵役」完結。
基本上黎講，我完全當係去旅行，都幾開心。

今次主要係去動物園，諗住係影下o的獅子老虎咁o者，但係估唔到最後可以咁，係一個無圍欄o既近距離，對住哩一班三層樓咁高o既龐然巨物…….
由於佢o地好重戒心，我唔可以行得太埋，上面張相係我用個無得ZOOM手機影o既，已經行得好近，不過係表現唔到果下感覺，
就係現場果種成班恐龍響身邊行黎行去o既奇異感覺，曾經有一刻我以為眼前o既一切都只不過係CG key出黎o既幻覺….

跟住就係哩隻小白獅，成隻猫仔咁樣，我仲乘機摸下佢個頭仔。

哩碟o野…..本來想放O的佢生前o既圖，不過太樣衰喇，都係放哩一張啦。
至於係咩生物，睇o的皮無可能估唔到啦！
之後已經響我個肚入面….

另外仲去o左個餐廳，係食自助餐o既，不過特別o既係，我未見過餐廳大間到要派張地圖俾你睇住去拎o野食。
大陸真係「地方大」哩一點係無得學。