今年真係認真…..麻麻地……..
不過都有o的有趣事，
就今日回顧一下。

-第一大事，梗係《銀河少年》出版啦~~~~！
雖然唔算有咩特別成績，哩個經驗都係好重要o既。

-跟住輪到哩個版開張啦！
其實之前已經留言版當blog用o左好多年，哩個《人間散步道》都唔知算係version幾。
不過都係哩個版本最方便。

-年中參與o左漫畫節入面o既FIGURE展，第一次參與FIGURE公開活動，得到唔錯o既口碑，出年都要繼續努力先得。

-年頭換o左部有MP3 o既手機，哩方面同時代嚴重脫節o既我，終於可以出街聽到歌喇！
不過仍然都係同時代脫節，因為都係齋聽舊歌…..
《相聚一刻》o的歌真係無得頂，感動呀~~~~~~~~~~~~~~！

-上網七年，從來無裝防毒軟件，今次先至第一次中毒到要鏟機，好彩定係唔好彩呢？

-年尾突然走出個「出埠運」，出o左去拍o左幾次o野，早兩日仲臨尾走轉澳門添。
成年前後坐o左十程船，淨係去到最後果程突然暈船浪，好多年都未試過咁狼狽……

-另外睇多o左o的新動畫，同哩代o的動畫迷溝通到喇~~~~~
仲有得同步追睇幪面超人，我夠膽講係史上娛樂性最高o既一套，好睇！

出年都係，全力畫好套稿先啦~~~~~~~！！！
等睇銀河少年season3真人版！！