陪伴我六年，南征北伐，經歷多場大小活動、幫我影o左近萬張相，出生入死o既好兄弟：sony DSC-F55V尋日，終於証實死亡。點解你咁狠心？下次去旅行，你叫我點算呀~~~~~~~？
被unique點中參加，多謝哂。
愛的問題 tag Upon Vanlily invitation, I'm participating in this tag. So, here goes: 遊戲規則﹕將所有愛的問題誠實地答出來﹐不能說某某,所有和不知﹐答完後,請點名8位朋友繼續下去﹗
寫出填寫日期﹕2007 年 1 月 29日
愛的食物﹕所有甲殼類海洋生物
愛的顏色﹕黑鐵色
愛的休閒﹕看著天空發呆
愛的老師﹕美術科老師、所有實習年輕女老師….
愛的歌手﹕無
愛的個性﹕識得關心人之餘，又有少少冒失
愛的口頭蟬﹕殺！
愛的小動作﹕無原無故起腳
愛的季節﹕冬天、夏天
愛過的人﹕驚唔夠位寫
愛的人(男/女)﹕次元惠 @ sunday事務所
愛的節日：每逢佳節倍思春，所有節日都係令人難受，何必呢~~~~
愛的運動﹕耍自創o既拳法
愛的定義﹕我都想搵個人教下我….
愛人的時間﹕春天比較容易中招
愛我的人﹕係就舉手啦~~~~~~~~
點名8位朋友……不如想玩o既自己加入啦。
嗚~~~~~好感動~~~~！我又咸喇~~~，好耐無試過睇onepiece睇到咸喇！前進號呀！終於有「主角」死喇…….
哩個月發生好多事，基本上都係開心o野。只不過資出方面就破o左個紀錄，到今日為止，一月份銀行本薄個「提款」總數係：$154608.8雖然大部份只係資金調動或者係預資，唔算真係「使o左」，不過就咁睇個數：十五萬，正常情況起碼夠我使三、四年喇~~~~~~~~
型！對哩套《劍》真係無乜興趣，但係S.I.C系列就始終唔會令我失望。哩一set一盒兩隻，仲可以變怪獸添！好吸引。下個月就出喇！
終於扮完一日G4，幫溫少俠完成o左佢o既大事。
第一次著足一日西裝，cosplay o左一日sunny哥。出得到踢擊，條褲都仲無爆呔，即刻醒神哂。照鏡睇睇自己個look，又唔係想像中咁差，都ok見得人喎~~~原來我個樣仲「有得救」o架~~~~！
朝早幫人接新娘，都係考下o的無謂o野，喂！點解唔考掌上壓呀~~~~~！後生果陣一分鐘八十下o既身手都無機會發揮，好唔甘心呀！
總括經驗，搞壇咁o野真係好辛苦，見阿少俠搞到身水身汗，差o的吞劍同跳火圈都玩齊。做兄弟o既都唔好過，最慘要招呼o的完全唔識o既男女家親戚，走黎走去又搬又抬之後，又要keep得住個《鎗火》look。
好在後尾響酒樓終於見番哂中學時代o既黃金組合！坐番埋一檯喇！只可惜強少都係黎唔到。希望跟住過年可以約得齊人啦。
班老友個個循例走埋黎問幾時輪到我，哩句o野你o地問o架咩！？應該係由我‧問‧個‧天……
本來出o左一段時間，早幾日先捨得買黎睇，因為早兩期實在太拖，幾回已經可以交代o既情節，拖o左幾期出黎。已經忍無可忍到想cut書，幾番掙扎先買黎一搏，點知今期終於好睇！
好鍾意阿劊子手山田老師，「斬鐵」果下實在太型…..另外，一直都認為果個「人渣癲佬XX」未死，就係估唔到安排佢響哩下關鍵時刻出現，我諗最後佢係會用萬次果隻手，搞到自己變埋不死身。咁先有得玩丫嘛！
唔覺唔覺套o野都連載超過十年，當年曾經有人講過話我似萬次喎~~~~邊忽似呢？癲起上黎果陣？
(0)
