十多年前，策劃同人祭96'o既時候，曾經考慮過哩個場地，「蒲窩」！早兩日工作關係舊地重遊，一切就好似昨日一樣。如果當時真係響度搞都幾有趣，氣氛應該會幾好，因為有好多走廊一類半室外位，加埋o的英式建築環境，應該會多一o的文化氣息，少兩分otaku異味…….。始終我目標係為o左推動創作風氣，而唔係果種所謂二次創作o既附屬fansart。可惜香港仔唔就腳，好快就否決o左。o岩o岩收音機又播番果幾年我好鍾意o既歌，老狼《同桌的你》，感覺好好呀……..。
哩幾日自己「M到」！「M」for mood~~~~，捉到一o的感覺，起多o左幾頁鉛筆。
哩幾日又凍又大風，工作關係偏偏日日都要去海邊。早兩日好大浪，12度之中，為o左兩個可有可無o既shot,搬o左堆器材落山崖下面…..。順便睇o左半日浪，好鬼大風，個個浪都米幾咁高！好有氣勢。見對面個島激起浪花十幾廿呎！如果唔係有班同事在場，好想向住個海大聲嗌~~~~~~~！海浪衝擊造成岸邊一層層白泡，好似海面上有層白雲咁樣，好神奇。
今日天氣好番少少，坐「大飛」去o左個魚排。都唔係第一次去哩種地方，而係第一次響上面食海鮮。拆o左兩隻蟹，確係無得頂！果種嫩滑o既感覺真係……。傳說中o既西貢食海鮮果然係名不虛傳呀~~~~。
同場仲有哩隻狗狗表演碌黎碌去助興。
《新暗行御史》完o左，好睇不過無驚喜。同日買到okama本《CLOTHROAD》中文版，好睇呀~~~，年頭響日本匆匆見到，無買到，後尾果次買o左本日文第三期，一睇完即刻想買番哂四期。故事個概念好有趣，o的設定又好o岩使！
份稿行前o左三步，又退後半步，有個位要大執……。我o既能力有一個大問題，就係無能力去管理自己o既能力…….
(0)
