易經講求「理」、「象」、「數」。
一直相信宇宙之間凡事有一定規律，覺得一切都可以跟住一o的法則去推算得到，萬事萬物逃唔出一個「數」字。
問題只係負責推算o既人到底有冇咁o既功力。
因為工作關係，都接觸過幾多「師傅」，有o的覺得佢幾吹水，但係有o的又確係講合情合理。
雖然聽落係好神奇，但係有時有好多例子又唔可以唔相信。

尤其我o地長期鑽研編劇，對人生命運走向，對事情因果之間變化，都比其他人多o左一份敏感。
更加令我對於「世間一切只係出於偶然」哩類觀念，難以接受。

以前，公司有個傳聞睇掌幾準o既同事，同我唔係好熟，平日無乜兩句兼唔知我出面搞咁多o野，
佢睇過隻掌，淨係同我講o左一樣o野，話我個人，本來應該好醒(我到而家都唔知佢講個「醒」字係指乜o野)，但係偏偏成日搞埋o的「唔等使」o既o野……。
我個人係咁o既，基於「積極地逃避現實」哩一個特性，如果有唔同輕重o既三件事擺響眼前，我永遠係做o左最唔等使果樣先……。
但係我o既工作性質係唔會俾我顯露出哩個特性o既，佢真係就咁就睇到？

少年時代自己都有睇過一下相關o既書，叫做有興趣過一陣，但係阿媽記唔到我個時辰，無辨法查到自己條命，一段時間之後就淡o左。可能真係同哩樣o野無緣啦。