點解暗殺會失敗？點解王佳芝關鍵時刻轉呔？我覺得問題反而係因為鄘裕民無做特工o既潛質。特工基本能力係玩弄心理，為求目的，用盡身邊o既人同物。
王佳芝崩潰，係因為從來未試過有男人真正對佢好。自己只不過係臨時拉夫愛國份子，心靈又空虛，哩個結果理所當然。老吳仲走去同佢講埋咩忠於黨、忠於國家實在搞笑。佢想「忠於」o既只係一個男人。鄘裕民無理由睇唔出王佳芝當初對自己有意。佢就係唔夠狠，無對佢預先「調教」一下，等佢對自己「忠誠」，結果就完全唔同啦！臨尾先黎「出手」果一下，實在太難睇喇~~~~~不過女性作者通常都鍾意寫到男人咁「不濟」。
對於鄘裕民哩個結局，只能夠講一句──抵死！
終於突破o左九期o既正篇，新版去到第十期喇~~~~~！呀！又見番我偶像羅亞教授，三個咁多？仲有爆炸頭狂野版！雙cpu都俾佢諗到，確係勁！軾古斯變o左第一「男」主角添。開始戰爭喇，件事開始玩大喇，再玩大o的啦，我要睇番「電」大人果種程度o既感動呀。
追o左十幾年都仲好好睇，唔該哂！
一個係諾貝爾和平獎得主。一個係發動戰爭o既邪惡軸心總統。人生交叉點係一場大選，戈爾輸o左個總統，贏番人生另一個高峰！贏o左果個，反而搞到自己遺臭萬年！大家投票選擇o左惡魔，體現o左「銀英傳」入面對民主政治o既諷刺…….
官方消息話mh3唔會響PS3出。o下！？響wii出~~~~？？？其實唔係好關我事，因為唔會響家用機玩。問題係，咁即係無PSP版！？咁大劑~~~~~~~~？枉我對你忠心耿耿，點知你淨係一心搵銀~~~~~，完喇！部PSP丟得啦！丟得啦！唔通真係要買NDS~~~~~~~~？
頭先入o左海洋公園開工，無錯，都係為o左佢萬聖節o的活動。我今日響鬼屋入面逗留o左超過我一生留行鬼屋時間o既總和，仲差o的俾女同事扯爆背包…….因為無迪迪尼文化上o既包袱，佢玩o左大量中式鬼怪o野，老實講，中式真係得人驚過西式好多……….仲要加埋大量o既演員化個鬼咁厚o既妝彈出彈入，辛苦哂~~~~~
同事話，點解唔鬼節搞o者~~~，暑假又多o的人玩！我話，鬼節仲有好多免費「演員」客串添啦~~~中國鬼節應該無乜人敢咁玩法卦。
原本夜晚係去埋迪迪尼，不過佢果邊又玩o野，安排得好有問題，哩樣唔俾果樣又唔俾……。你而家輸緊人成條街，好心唔好再擺款啦~~~
竟然出S.I.C.初號機！？咁即係直接伸手入我個袋搶錢o者~~~~！實在太卑鄙喇！究竟幾時出呢？
(0)
