首先，年初做o左一件錯事，買o左部PSP….，咁你明啦~~~，o的時間就梗係…..PSP+MH2確實係一個完美o既陷阱呀~~~~。
跟住就係一連串突如其來o既出埠運，八日北海道旅行，十日泰國公幹，三日遊輪公幹，再七日大阪東京旅行，接近一個月時間唔響香港，完全畫唔到稿…..。
去年訂下目標要生個figure女就實現o左。但係今年個人行動力好低，個劇本由頭再寫過，到年尾，總共只係起o左四~五頁鉛筆，仲有排搞。到近兩個月個人簡直係──「頹」！有行屍走肉feel~~~，希望快o的醒啦~~~~
今年整體黎講係OKo既。可以講係修補關係o既一年，全家人去一轉日本之後，關係融洽o左。PSP+MH2 o既連線任務功能，令到同公司同事感情深厚哂~~~~！連平日無乜兩句有些少可怕o既大叔都變埋老友~~~真係意想不到！再加上一齊出埠玩下咁，終於第一次覺得響哩間公司做o野都幾開心…….。另外同其他部門o既同事都玩得埋o左，如果唔係年尾「起跑失敗」，今年人際關係一科應該係完美……。
好多年前，自己第一部數碼相機，拍功能只係得十五秒，記得果陣得十五秒都拍o左好多o野。乜都影一餐。前年，入o左部手機，可以無限拍片，雖然質素一般，都算係自己第一部可以拍到電子長片o既工具。手機用o左兩年，今日突然間發現，哩個攝錄功能，原來，我一次都無用過！
身為一個職業o既攝影師，原來哩兩年自己身邊已經無想拍低o既人和事……人生果然係一場諷刺o既荒謬長劇。
又到聖誕，心情開始差……
「心裡有鬼」只不過係一個比喻，一個比喻視覺化之後可以玩到咁多o野出黎，確係勁！不過類似o既手法，舞台劇其實都幾常見，電影就比較少。反而早幾年有套漫畫《異能者》都有將人o既本質視覺化o既橋段。不過《異能者》可以玩得超現實o的，心理形象千奇百怪。所以成日話學漫畫就要睇多o的共他唔同媒介o既創作，觸類旁通丫嘛。
套戲其實都幾精彩，開頭大半個鐘尿急，竟然搵唔到空隙去廁所~~~有趣位都幾多，幾鍾意「殺o左人，搵唔番自己」哩下。同埋老婆就係自己心入面隻鬼哩下幾幽默。個人覺得反派果邊「七隻鬼」描寫空間唔夠，可以日常生活玩多o的心理矛盾，戲量應該同主角差唔多先夠玩。而家好似無必要有「七隻鬼」咁多。同埋哩個心理應該好複雜o既角色如果搵吳鎮宇做，效果可能會好好多。
睇完沖一介紹http://www.gaforum.org/showthread.php?t=168003 o既討論，哩一之代普遍都覺得漫畫o既環境係差o左，係，比起90年代最高峰係差o左好多。但係我自己覺得咁樣，其實大家又記唔記得80年代，日式漫畫響香港又有幾小眾？
當時同年紀o的人淨係睇打書，想搵多個有睇過下日漫o既同道中人都無呀！同睇打書o的人傾漫畫創作根本完全唔o岩咀形！你同佢講戲劇節奏，佢o地永遠停留響肌肉紋上面……..自己畫開頭幾套作品完全無機會俾人睇。
睇番今日，悲係悲，但係畫套稿出黎，如果似模似樣o既，起碼有人睇有人讚，印出黎仲間唔中有人買添！上網隨時有一百幾十個同道中人一齊有傾有講咁。慘極都仲有個譜丫~~~~~
要我覺得漫畫「沒有明天」，除非去到有一日，報紙檔連一本日本漫畫都無得賣啦。
之前偷步睇「銃夢」o既連載，睇到絕火背景一段，竟然見到提到「莊子──屠龍劍」！
原意係，話說少年上山學藝，練成屠龍之劍法，但係世上根本無龍可屠！屠龍之技即為無用之技。莊子屠龍劍哩個概念，我係經常咁用黎形容自己處境。正如我o地成日滿腔熱誠去無龍o既comicsworld「屠龍」……去一個無視原創o既地方推廣原創…..我聽過哩個概念二十年，都無再聽其他人提過，第一個遇到o既知音人竟然係個日本人！木城老師果然係學貫中西o既奇人呀~~~~~！
(0)
