頭先去拍人打band，見到o的有火o既人，不其然又聯想到今時今日漫畫o既生態環境。而家o既我，就好似一粒白熱滾燙o既石頭，放o左入一缸凍水入面。究竟係我俾缸水同化冰冷先，定係我反而煲滾缸水呢？
如果最後缸水因為我努力而變得有少少微溫，咁又可唔可以當係我贏o左？
早幾日諗住去睇仆….係魔街，《魔街理髮師》，除o左因為係添布頓fans，最想係睇下同我十幾年前畫果套，同樣係講殺人理髮師o既故事，有冇乜o野雷同之處。不過都係就唔o岩時間。
結果走去睇o左《越空行者》，見到我自己好鍾意用果招「瞬間轉移駕車去撞人」佢用o左三次！好彩條橋我零四年印o左出書。
零四年版本《星流浪族》p.64
尋日響街，望住豪華版個盒，好想買，不過就算送俾我都無用，因為唔可能買PS3…..其實四舊幾水我係捨得俾o既，鬼叫佢唔響PS2出咩~~~唯有玩住PSP版第一集過節頂住先囉~~~~
繼上次玩榭地球勇者之後，今次有類似《神勇飛鷹俠》o既人物出現！勁！
(0)
