洗唔洗咁型呀~~~~~~！？http://www.tudou.com/programs/view/yMqgKSkdLX0/咁樣cut o的片出黎都整到個咁型o既MV！服哂！見到o的多角度中彈場面，都感受到佢花o左幾多時間去「抓片」。好鍾意中間一面橫跑，一面轉背景果段，有心思又花工夫。
「槍女」哩種組合始終係有一定吸引力，最緊要係型丫嘛！
即刻想換支弩黎玩下。最衰我玩片，唔cut 得片…….，唔係都想整番條。
早兩日開會，發現自己可能有機會見證：「一個肥仔用『性』去征服亞洲，繼而成為亞洲總統」o既傳奇一生！真係唔知講咩好….
見到以自己故事為主題o既網上遊戲一步步誕生，又係唔知講咩好….
盡哂力去升件防具，諗住陪班高手去見識一下o的傳說中o既大怪獸，點知企埋少少都…..即死……，連觀戰o既資格都未夠，真係唔知講咩好….
海洋公園又有新主題，係一個成日轉主題o既主題公園。好欣賞佢哩份自強不息o既精神。
一個人玩o左MHP2個幾月，雖然升到鬼斬破，但係絕望o既時刻仍然係經常發生……前晚經朋友搭朋友，搵到幾個機精一齊玩，終於初嘗四人連線合作o既威力！果然四人連線先係哩隻遊戲o既魅力所在！勁！感覺就好似小學果陣，同幾個同學走上山探險咁呀~~~~第一次見到o的龍斷尾，好Q呀！
早幾日有個漫畫人朋友同我講，話佢老細唔多接受佢個角色o既性格，但係佢又唔想改。我同佢講，出黎打工，為o左個老細，就算要你改你自己個性格都係平常事，改你角色個性格又算得乜o野丫………
哩個並唔係謀殺！肯定係個陰謀！哩件邪惡o既儀器，一定係外星人o既陷阱。我知道，UFO o既推進能源，一定係「時間」。外星人就係用哩件儀器黎偷走人類o既時間，然後推動UFO。實踐征服地球o既陰謀~~~~~~~
搵個人幫下我呀~~~~幫我拎走我身上哩部邪惡儀器，我隱約見到部機上面寫住──PSP…………..
(0)
