今朝，公司老頂打電話嘈醒我，話有人入o左廠，要放假o既我頂，一頂就四日…….原本打算今日完全ko上半身連雙臂o既計劃，就咁燒焦~~~~~~而家雙肩停留響「對位」階段。
今日同時係屋企人結束八日o既旅遊行程，我自由o既日子就咁結束o左。
自己近幾年已經好少睇動畫，幾本上係連相關情報都無留意。對上一套由頭睇到尾o既動畫已經係「COWBOY BEBOP」！
哩排響老總苦心經營之下，連續提供o左幾套近期效熱門o既作品，等我惡補番時下讀者o既口味。好彩我都仲睇得完全投入，津津有味，仲好想追落去，未同哩代讀者脫節喎~~~不枉我精神年齡停響17歲呀。
不過要澄清一點，我對「萌」興趣唔大o架~~~~~~
靠著微弱燈光，在黑暗的大河摸索前進的小舟，還是需要靠岸休息一下……….新的飛空艇建造需時，不過藍圖已經完成，大家一起努力搜集造船的材料吧~~~~~
這幅圖短期內沒有機會使用，放上來慶祝一番吧。
每年五月初夏，都會影幾幅雲，上面只係飛機「拖尾」，唔知點解見到果刻有陣莫名其妙o既感動…….
連續幾日室外工作，四圍餵蚊。連日先後中過幾款唔同體形o既戰機襲擊。身體反應紅腫程度各有不同。懷疑工司實質上係暗中進行緊「十九區全港蚊蟲毒性比較測試人體實驗」…….
原來牛油果加日本芥辣油醬油，口感竟然係──三文魚生味~~~~~~~~~~
追o左四十一期《one piece》，終於見到佢個故事有條「生路」…..原本身為海賊，難免成世俾海軍追捕，沒完沒了，又點可能結到局呢？期待佢真係將方向轉去以「推翻世界政府」為目標，咁就正哂喇。
見到旺角有衣谷遊本畫集，不過本來已經冇留意佢作品，但係一睇個封面…..點解會抄起田中達之上黎o架~~~~~~~~~？
因為工作上關係，今日同幾個第一次見o既人同檯食飯。特別之處，唔係因為佢o地都係外國人，而係佢o地個個都識講廣東話。見到幾個唔同膚色國籍o既人坐埋一齊用筷子、講廣東話、唱廣東歌有講有笑咁，臨走仲同我講“拜拜”…….
波哥,我淨係抄下半段，係因為覺得佢成段對於我o地個問題重點係：「沒有必要加添人家壓力」
而家唔係要聽你講「遺背良心的讚美說話。」
我意思係，與其列出一大堆問題，加添人家壓力之餘對事情冇乜幫助，與其要就住黎講，咁就真係如你所講根本就係「不如咪寫」。
如果潘生所做一切，只係為o左支持我o地，咁我唯有講一聲唔好意思。我覺得哩種情況只係好心做壞事，”伸多兩腳”係指個效果，唔係講佢o既出發點…………..
點都好，多謝幾位幾日為o左哩本書花o左咁多時間。
(0)
