前日已經整好個面形，但係就一直對眼同嘴無乜把握，始終第一次整女仔，對面相o既精緻度要求幾高，比起舊年隻HELLBOY難度高出好多……經過幾日「儲氣」之後，今日一口氣將個頭解決o左！不過仲未噴灰檢查細節，因為想影番o的相做紀錄先。希望唔使點樣大執啦~~~~聽日收工開始屈個身，希望今次唔使「儲氣」太耐啦。
好！整埋頭髮同特徵先再擺上黎啦。
尋日番工，撞到monster hunter P 2狂迷同事，例牌走唔甩焗陪打(超自願！)，之後就出事喇，響街度，不斷咁聽到隻game o既音樂！間遏出現接近三個鐘。以我o既神速移動速度，無可能有人可以一邊打機一邊行近我身邊，所以一定唔會係「聽」到。但係問題係，我肯定唔係自己心入面果種playback，而係「用耳聽到」o既！哩個係唔係傳聞精神病入面o既病徵──幻聽！？可能哩幾日有少少傷風又唔夠訓o者……….
另外，隻game不出所料俾人改成「閒書」！主角果然就係最有哩方面潛質o既──電龍！
正式開工，搵番齊o的裝備出黎，都花o左半日…..仲有o的料要聽日出去買。
其實早十日前已經決定好整乜，係個細節同動作拖到哩兩日先定到。今次個目標係…..都係整o左少少先再俾大家睇下。
早幾日開工，蘇民峰話我本來六十歲之後應該會無飯開，好彩隻耳仔生得好，兜番無事…….。我諗過，以我目前經濟狀況，六十歲之後未至於會無飯開，不過食唔食得飽就難講o的。都唔緊要啦，佢咁講我梗係信啦，就算無飯開，都仲可以響街邊畫下人像，搓下公仔，應該都餓唔死卦~~~~~？
一向聽講天下出版o的翻譯慢得離譜，我無留意開，唔清楚。上次年頭去日本，同時間見到有《天上天下#16》同《飛輪少年#16》，東立本《飛輪少年#16》中文版出o左成個月，本《天上天下》中文版到今日都仲……
頭先去o左機場新果邊離境大堂，咦，感覺好好喎，個環境有《機場客運站》o既feel~~~~。
講番monster hunter，尋日，我竟然係響「差館」入面同人對打！不枉我納稅咁多年…….幾番激戰，終於砌到鐮蟹S裝之餘兼具有斬味加1、業物、見切加1喇~~~~~氣盡…………………..
哩張係俾銀河兄弟用o既圖。近大半年都係寫劇本同分鏡，頂多畫下設定。好少正正經經畫下o野。久違o左o既強烈充實感覺又番哂黎，始終世界上能夠令我有咁充實感覺o既，都係漫畫。
漫畫節個figure方面，哩個月初要郁手，我都仲係未有定案…..
(0)
