男女主角終於有「床戲」喇~~~~~~~~感情戲黎o者！天津影久講數果場，張力唔夠喎……..，不過算啦，果場戲都唔太重要。可能自己近排睇得「杜sir」多，對哩o的o野要求過份o左o者~~~。
另外，魔法老師煲到#18，「超」篇都完o左喇~~，其實第一次拎起哩本書，係睇o左少少「超」篇先o既，而家有番o左起點o既感覺。
天元突破哩一part睇到尾段，好想企起身大聲狂叫呀！好~~~熱~~~血呀~~~！
仲有上網煲番港台套《漂浮吧！涌口健二》，o的配樂好好聽~~青春真係好~~~~
尋日一晚馬拉松煲o左四套戲。《神經俠侶》《再造人之戀》《老港正傳》《跟蹤》跟住成晚訓唔著，o的劇情左右上下反轉咁穿插o左成晚……印象最深都係《神經俠侶》o既吳鎮宇，基本上佢先係主角，當然陳奕迅都好正。《老港正傳》同《跟蹤》都係個驚喜呀。《再造人之戀》就淨係得個「驚」！點解呀~~~~~~~我心目中韓國第一《原罪犯》o既導演，點解會拍套咁o野出黎…………..？
自從我覺得好好睇o既「改藏」無奈落幕之後，久米田康治另一套商業妥協作品「絕望先生」動畫化。o的色彩造得幾靚，不過始終覺得改藏o的人物寫得出色有趣得多，心裡面有o的唔舒服…….
另外近日都煲緊另一套校園漫畫「魔法老師」，主要係想研究一下哩套近年最受歡迎o既「後宮系」漫畫，點解咁受歡迎。哇！成套男角加埋唔夠十個，女角有三十幾四十個以上，遂個出一出都要寫十幾期書啦~~~~仲要三頁一小露，四頁一大露~~~~，可惜我對o的初中女生身體興趣不大……，女！女！女！再加精準o既商業元素場面設計，基本上係殺哂。我最欣賞o既反而係佢3d轉2d背景功力，我十年前想做o既o野，而家睇住佢巧妙咁實現哂！
其實「絕望先生」都係類似o既「後宮」路線，感覺上係「改藏」版o既「魔法老師」，唔怪得之一黎就動畫化啦~~~~~
因為工作關係，舊年見過石堅叔，聴到一o的江湖傳說，同埋一o的棍法o既要訣。可惜我無玩開棍，轉頭就唔記得哂~~~
上個月又因為工作o既關係，遇到o的行頭老前輩，佢話後生時，聽過一o的堅叔o既傳說。堅叔除o左精通棍法之外，仲識得一招「牛角拳」，即係用指關節攻擊對方太陽穴。據聞呢招有內功成份，被擊中者會「傷o左條氣」！若干時間之內唔搵發招者去「解」，就會死！吓？
北‧斗‧之‧拳！？竟然係真o既~~~~~~~~~~~？最衰係最近先聽到哩件事，失o左舊年個求証o既機會呀。
堅叔係本地武林o既活動資料庫，真係好希望有心人可以幫佢整理記錄一下。
BLOG版《人間散步道》經歷一年多時間，承蒙各位街坊支持，今日突破o左十萬hit大關！
如果我ｏ的書都賣到十萬，咁就………希望跟住落黎可以放多o的圖上黎，同埋可以繼續無聊落去！多謝哂~~~~
「MEGAA」乃是Music、Edutainment、Games、Advertising和Animation的簡稱日期：2007年8月11日至12日
時間：1200-1800
地點：數碼港圓形廣
活動歡迎同人組織免費參加！查詢或報名，請電郵至：futurepowerhk@gmail.com
詳請留意http://www.cuhkacs.org/~hegu/Bo-Blog/read.php?255
好似同同人關係唔大，不過多個場合賣書都好o既，不過我連續兩個月未放過星期六或者日，都唔知去唔去到……
另外，睇o左「變形金剛」，男主角果part好有80年代史匹堡電影o既感覺呀！個人覺得成套戲係史匹堡電影賣坐元素總集篇，樣樣有o的咁，幾好玩。
(0)
