早排工作關係，接觸到一o的band仔，對o左幾日，諗到o的o野。同畫漫畫一樣，夾band都係被邊緣化o左o既文化活動，咁我又無無聊聊將兩樣o野拉埋黎睇。
大多數人眼中：夾band=型仔畫漫畫=傻仔
夾band同畫漫畫一樣可能關係到一o的綜合技能，一個人可能同時識得作曲、填詞編曲再加上識一至兩種樂器。畫漫畫一樣要識編劇導演、電影分鏡、角色演出、場景設計……但係搞音樂就係=有才華畫漫畫=兒嬉
夾band──有自己風格，唱自己作品先會特別受讚賞畫漫畫──有自己風格，畫自己作品先至無人睇，改人o地o的o野反而賣哂！
如果作為職業，夾band被形容為「餓死老婆溫臭屋」，畫漫畫反而簡單──根本唔會有老婆……
咁又點？繼續畫落去囉~~~~~~
我o地果個年代，多數人細個一定會有過哩兩個夢想，一個係擁有一隻藍色o既機械猫，另外一個無咁「絕對唔可能」，而又有少少遙不可及o既，就係去玩具反狗城一分鐘任拎玩具！尋日有機會見證兩位小朋友夢想成真。
其實一分鐘拎得到o既o野真係唔多，反狗城咁鬼大，行到去想要果樣o野面前都去o左一半時間啦~~o的同事話，咁鬼蠢o架！梗係見o野就掃丫嘛！我話，咁細路係拎自己真係鍾意o既優先o既~~~。見到o的細路拎到總數自己體積三倍咁大o既玩具，自己都有少少興奮。原來咁樣掃一o野，埋單條數都唔係好貴，最後都係三、四千左右。可以自己出錢俾自己實現番個童年夢想都好喎~~~，再唔係搵個朋友交換找數咁仲興奮添！
返黎喇~~返黎喇~~休息o左個幾月，對工作狂黎講，休息係刑罰，越休息越累…..早幾日拎番個劇本出黎執，果種空虛落莫失去方向o既感覺即時一掃而空！個人即刻精神番哂！人仲明顯高o左！大隻o左添！始終哩個先至係我o既真身。不過哩排煲戲、劇、漫畫一大輪之後，搵到個劇本有一堆o野要執，有一陣子要忙…..
睇o左幾集，有o的失望。雖然俾日本漫畫縱壞o左，睇唔慣佢o的咁大路o既超能力，都唔緊要，希望佢導演果邊做番好o的，但係近排睇開《迷》、《逃》，講氣氛佢功力又差o左一截。最無癮係個畫家，預知能力哩o的，只係基本到暈o既超能力，佢仲要啪針先用到？肯定有細路走去試下去啪針睇下自己有冇得預知未來。另外，響鏡入面見到邪惡自己都算係超能力？！不過就幾鍾意個日本仔，個留鬚扮「未來人」造型好cosplay…..都睇o左幾集o者，希望遲下o的線串番埋，會好睇o的啦。
(0)
